Aksident tragjik në rrugën e Lumit të Vlorës, një i vdekur
Një aksident i rëndë ka ndodhur në afërsi të fshatit Kotë, në rrugën e Lumit të Vlorës, ku një automjet është përplasur me një mjet motorik. Përplasja ka qenë shumë e fortë, duke shkaktuar një tragjedi.
Burime bëjnë me dije se për shkak të aksidentit një person ka humbur jetën. Autoritetet policore dhe ambulanca kanë mbërritur menjëherë në vendngjarje për të hetuar rrethanat e aksidentit dhe për të ofruar ndihmën e nevojshme.
Nuk dihen ende identiteti i viktimës apo shkaqet e përplasjes, ndërsa policia ka nisur hetimet për zbardhjen e plotë të ngjarjes. Rruga e Lumit të Vlorës, e njohur për terrenin e saj të vështirë, vazhdon të mbetet një pikë problematike për sigurinë rrugore.