Aksident me vdekje në rrugën Shkodër-Velipojë
Një aksident i rëndë me pasojë vdekje është regjistruar sot në aksin rrugor Shkodër-Velipojë në zonën e Bërdicës.
Burime bëjnë me dije se një kalimtar, i ifentifikuar si Gjovalin Nikolli ka humbur jetën.
Ndërkohë që policia ka shkuar në vendngjarje për të zbardhur shkakun e aksidentit, teksa me drejtuesen e automjetit, Zana Kola po kryehn veprimet procedurale.
NJOFTIMI I POLICISE:
Rreth orës 10:00, në aksin rrugor “Shkodër-Velipojë”, shtetasja Z. K., duke drejtuar automjetin, dyshohet se ka humbur kontrollin mbi drejtimin e tij dhe për pasojë automjeti ka përplasur shtetasin Gj. N., 76 vjeç, këmbësor.
Shtetasi Gj. N. ka humbur jetën në vendgjarje.
Me drejtuesen e automjetit po kryhen veprimet procedurale.
Grupi hetimor po punon për zbardhjen e rrethanave të aksidentit.