Afati i fundit në KQZ, Celibashi vendos sot se cilën PD njeh për vendoret e 14 majit
Sot është afati i fundit për shqyrtimin e dokumentacionit të partive politike për zgjedhjet e 14 majit.
Komisioni Qendror i Zgjedhjeve do të vendosë sot për çështjen e regjistrimit të Partisë Demokratike në zgjedhjet e 14 Majit.
Kujtojmë se kërkesën për regjistrim në zgjedhje kanë bërë dy grupime në selinë blu.
Të parët që dorëzuan dokumentacionin ishte grupimi që drejtohet nga Sali Berisha mbrëmjen e së dielës.
Të hënën bënë kërkesë për regjistrim edhe grupimi i Enkelejd Alibeajt me një autorizim të firmosur nga kryetari i dorëhequr, Lulzim Basha.
Partitë që shqyrtohen sot
-Partia Socialiste e Shqipërisë
-Partia e Lirisë
-Bindja Demokratike
-Lëvizja për Zhvillim Kombëtar
-Lëvizja Bashkë
-Partia Demokratike e Shqipërisë (Kërkesa e Rithemelimit)
-Partia Demokratike (Kërkesa e PD-së zyrtare)