26 vjet nga masakra e Krushës së Madhe, 243 persona të vrarë dhe 893 shtëpi të shkatërruara
Sot shënohen 26 vjet nga masakra e Krushës së Madhe, një ngjarje tragjike që ndodhi nga 25 deri më 27 mars 1999, kur forcat serbe kryen një sulm të tmerrshëm në fshatin e Rahovecit. Gjatë kësaj masakre, 243 persona u vranë dhe 893 shtëpi u shkatërruan nga zjarri. Kjo ngjarje mbetet masakra më e madhe që ka ndodhur në Kosovë gjatë luftës së vitit 1998-1999.
Për fat të keq, ende shumë persona nga Krusha e Madhe mbeten të zhdukur dhe hetimet për këtë krim të rëndë nuk kanë sjellë ende drejtësi. Masakra ishte pjesë e aktakuzës për krime lufte ndaj Sllobodan Millosheviçit dhe disa figurave të tjera serbe, por asnjë individ nuk është ndëshkuar për krimet e kryera në këtë fshat.