2 persona qëllojnë me armë zjarri drejt 46 vjeçarit! I plagosuri transportohet në spital (EMRI)
Një person është plagosur mbrëmjen e sotme me armë zjarri pranë kryqëzimit të Bathores. Mësohet se 46 vjeçari Agim Hida është plagosur në këmbë dhe është transportuar drejt spitalit ku ndodhet jashtë rrezikut për jetën.
Kamëz/Informacion paraprak
Më datë 02.11.2023, rreth orës 19:15, në afërsi të kryqëzimit të Bathores, në rrethana ende të paqarta, dy persona ende të paidentifikuar të cilët lëviznin me një motomjet, kanë qëlluar me armë zjarri shtetasin A. H., 46 vjeç.
Si pasojë 46-vjeçari është plagosur në këmbë dhe ndodhet në spital, nën kujdesin e mjekëve.
Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit/ëve.
Grupi hetimor, në drejtimin e Prokurorisë, ndodhet në vendngjarje dhe vijon veprimet hetimore për zbardhjen e rrethanave të ngjarjes.